2021年01月21日 

不一樣的路 狄易達

2019-06-06 (週四)

提起狄易達,很容易聯想到跳舞歌手、無綫節目《安樂蝸》主持,但他的身份並非這麼簡單。兩年前離開唱片公司後,他轉型成自由身歌手,更由主持變身老闆,經營跳舞學校及室內設計配對平台。滿腔熱忱的狄易達,希望平台能為社會帶來改變,「你會覺得改變到市場少少嘢,啲人開初會覺得冇可能,但我哋就做咗可能性出嚟,原來可以發展到咁大,方便到人。」為實踐理想,他一邊做幕前的工作,一邊經營生意,走一條不一樣的路。

撰文:黃寶華
採訪:黎寶倫
攝影:fr3d3r1ckl4u

狄易達(達仔)兩年前決定創立SPACEPLAN,全因已參與《安樂蝸》一段時間,擔心若節目完結會去向不定,加上朋友經常問他有沒有裝修介紹,太多人詢問下,便激發他創立平台,「個個都問你,你就會搵方法去解決,可能介紹完你仲要幫佢跟, 咁就會諗其實外國都有啲平台,點解香港仲未有呢?」於是他便和志同道合的朋友開創平台,希望幫助業主更易找到合適的裝修和設計服務。
打破傳統
以往要尋找合適的設計裝修服務,猶如大海撈針,要花許多時間, 於是達仔想出透過IT技術去解決問題,由業主網上提交個案,平台再與不同設計師作配對,業主再選出合適的設計。現時公司發展順利,然而創立初期受過不少抨擊,認為平台不會得到客人的信任,但達仔認為時代正轉變,想法不應受傳統局限,「人哋話買淘寶嘢上網買完運返嚟就算,你嗰啲幾十萬,點會用你個平台去搵,但依家成個世界都變化緊,對網上平台個信任係愈嚟愈大 。」雖然受抨擊,達仔仍堅定自我,現時公司已完成200多個項目,亦有300間室內設計公司註冊,成績反駁了過去的質疑。
達仔又指港人在住屋方面有特別需要,因香港住屋面積較少,會想很多特別的室內設計去運用空間。他認為住屋很重要,是生活上不可忽視的一環,「你有時行落街日日都會見到有人裝修,依家對香港人嚟講返屋企係最緊要,如果屋企生活都覺得唔舒服,其實我會幾唔開心,都想靚啲舒服啲。」香港置業難,達仔都有個置業夢,「我想置業係因為阿媽,但我自己係想搬去澳洲嗰啲偏遠嘅地方。」
與別不同
現代社會金錢至上,不少人視擁有財富為人生目標, 達仔則認為金錢夠用就可以,「有時唔想有好多束縛,錢就係其中一個,愈多嘢束縛住,你想做嘅嘢就愈少。」問到平台的生意是否「好搵錢」,達仔謙虛地說了句「唔好咁講喇」,又表示賺到的利潤通常會投資去平台,令其發展更好。平台收入穩定,但他並未放下幕前工作,他透露仍有做音樂,現已完成錄音,但未拍攝MV。音樂市場正萎縮,收入未必穩定但他依然樂在其中,「 如果鍾意做一樣嘢,我會做得開心,唔會介意個酬勞,做落去會有樂趣。」
現年30歲的達仔,所謂「三十而立」,他成立平台並非想博一鋪和生活穩定,單純不想生活苦悶,「香港喺讀書時期就係填鴨式教育,好似我入行嗰陣鍾意跳街舞,但好多前輩高層會話,冇人睇, 我就諗冇理由,人哋外國跳得咁好,點解香港淨係可以Pop-Jazz,我又唔覺得要只係跟人哋意見去行。 」談到感情生活,現時感情上亦是自由身的達仔,暫時未有結婚的打算,雖然曾想過25歲前結婚,但現時會想有更多獨處及自由的空間。