熱話 時尙 食玩 生活 旅遊 娛樂 親子 專欄 着數

何超盈 剖腹誕8磅幾肥妹 眼仔碌碌似媽咪

2019-08-30 (週五) 08:00 上午

恭喜何家再添新成員!現年28歲的賭王何鴻燊四房大女何超盈,前日為哈佛學霸未婚夫辛奇隆剖腹誕下女兒「荷包蛋」,重8磅多,升呢婆婆的四太梁安琪心情興奮,她更大爆孫女似足媽咪!

何超盈今年3月宣布跟細7歲的辛奇隆(Thomas)訂婚,並直認雙喜臨門!懷孕7個月時,超盈提過B女「荷包蛋」的預產期為9月,未料前晚忽然傳她提早兩周開刀,於同日順利誕下囡囡。對此,超盈也直認不諱:「Thank you,我啱啱先瞓醒,有咩搵我媽咪啦!」
四太梁安琪回覆傳媒時,透露「荷包蛋」重8磅多,眼仔碌碌、長滿頭髮,似足超盈!提到準女婿Thomas陪入產房剪臍帶,看到B女出世一刻,一對新手父母都很激動,Thomas步出產房時更以普通話說:「超盈哭得比孩子更激動、更大聲⋯⋯」事後他們亦第一時間向賭王報喜,賭王獲悉喜訊後都好開心,好期待與孫女見面。四太續指,全家都留守產房外,迎接B女,她說:「好興奮,依家啲人叫我一聲婆婆我都不得不認老喇!」

四太拒再接受訪問
至昨午2時許,四太離開養和醫院時,雖然一臉倦容,但仍難掩喜悅,她說:「好多謝大家為超盈開心,亦為我開心!首先感覺超盈係大個咗,當荷包蛋出世後,我就唔再接受記者訪問,因為要湊孫,忙到一Pad嘢咁,唔夠時間。」問何生是否已見孫女?她說:「應該見咗。(有冇幫手餵奶?)超盈會搞掂。」其後,剛從美國返港的陳柏熹亦即趕去探契女,他說:「送咗粒鑽石畀佢,等佢將來大個再決定點用,之前超盈叫我幫佢囡囡設計手袋,我仲設計咗啲月餅盒畀佢用嚟送禮,將來十幾年睇番都會笑。」