2020年08月8日 
2019-06-11


傳林峯40歲生日娶張馨月


現年39歲的林峯與內地女友張馨月拍拖1年多,屢傳婚訊,惜一直只聞樓梯響。直至止昨日,再有消息傳出林峯已於本月1日,偷偷從劇組跑到張馨月老家去求婚,兩人更打算於12月8日,即林峯40歲生日當天結婚!恰巧,張馨月曾於「求婚日」在微博大晒以花花砌成的巨型兔子相,並寫上“Surprise”一字,惹人猜測是男友求婚時所送的驚喜。

對此,林峯經理人公司回覆傳媒時亦未有否認,僅稱他於6月1日趕拍電影版《尋秦記》中,沒有請假,並謂:「關於感情事,一概唔回應。」有份演出《尋》片的苗僑偉、郭羨妮、滕麗名均表示未有聽聞,郭羨妮又說:「希望阿峯佢娶個好老婆啦!我都有見過佢女友嚟探班,但未睇清楚佢女友個樣,因為拍緊嘢唔會咁張揚。」而其堂妹林夏薇則謂:「我冇聽過喎!要問番阿哥啦!」