熱話 時尙 食玩 生活 旅遊 娛樂 親子 專欄 着數

冧嫁商人狂放閃 許芷熒豪言婚後生4個

2019-09-04 (週三) 08:00 上午

11年港姐季軍許芷熒(Whitney、前名:許亦妮)終於出嫁了!她昨日與圈外男友Alexander Fung假洲際酒店舉行婚宴,下午見傳媒時,雙方咀足半分鐘兼勁講愛的宣言,許芷熒仲揚言婚後生4個,認真閃到爆!

許芷熒上月宣布婚訊,昨日終於出閣下嫁拍拖兩年多的商人男友Alexander Fung,並於尖沙咀洲際酒店筵開40多席,一眾圈中閨蜜蔡思貝、陳曉華、梁麗瑩及何依婷等則擔任姊妹團。約下午6時,一對新人手挽手現身見傳媒,起初兩人只錫臉,後來在記者要求下,才Sweet爆咀嘴半分鐘,Whitney一度抹嘴繼續拍照,惟新郎哥又忍不住再Kiss多啖,幸福滿瀉。受訪時,Alexander繼續放閃:「我哋經歷嘅嘢真係幾浪漫,我承諾咗一世愛老婆,會畀晒好嘢佢!」Whitney則冧爆稱會一世仰慕、尊敬老公,並視對方為「Number One偶像」。

唔做全職師奶
談到宣讀誓詞時已眼濕濕,問哪一句最深刻和感動?Alexander說:「希望下一世我哋可以再喺埋一齊做夫妻,因為總有一日我哋都會離開。」Whitney聞言便說:「你咁樣呢,我又想喊喇!」至於「造人」計劃,當聽到老公指嫲嫲希望湊夠兩個「好」字,Whitney即答:「你OK,我OK!」並謂老公將財政大權交到自己手上,那麼婚後是否做全職少奶奶?她卻否認道:「老公都支持我事業,我會做YouTuber分享煮嘢食。」而11月生日則會順道度蜜月慶祝。
此外,有傳余德丞放棄思貝,與周秀娜暗撻 3個月,思貝則謂不知情:「我依家同事業拍拖,其實下星期都約咗佢食生日飯,在心中啦。」