熱話 時尙 食玩 生活 旅遊 娛樂 親子 專欄 着數

否認撻着網紅女 姜濤拍拖要過花姐關

2019-01-28 (週一) 08:00 上午

現年19歲的人氣男子組合MIRROR成員姜濤,日前疑與網紅女Anjan於街頭依偎而爆出緋聞,不過他昨日出席活動時卻否認戀情,更謂同女仔拍拖要先過經理人花姐關!

憑ViuTV選秀真人騷《Good Night Show全民造星》彈出的姜濤(姜B),曾經在節目上自爆是“A0”,間接承認「處子之身」。不過,近日有爆料指姜B與網紅女「墨爺」Anjan被目擊於銅鑼灣街頭表現親密,疑終於「出Pool」!
對此,他昨晨偕MIRROR隊員一起出席慈善障礙挑戰賽時,即否認戀情:「唔係拍拖,嗰個係啱啱識嘅朋友嚟,只係送佢去搭車,角度問題好似企得好近,其實唔係。」在旁的經理人花姐(黃慧君)亦發誓:「我人頭擔保佢冇拍拖,有都要過我雙眼先。」問到可有發展機會?姜B卻未有正面回應:「要過咗花姐先。」花姐則笑謂沒有不批准他們拍拖,因拍拖乃正常事,惟姜B稱暫時無意談戀愛,他續道:「就算真係有個適合,我都未考慮住,依家拍拖唔只係我一個人嘅事,仲要對好多人負責,所以唔會咁輕易拍拖。」