熱話 時尙 食玩 生活 旅遊 娛樂 親子 專欄 着數

孫仔發燒婆婆拒餵藥 擔心藥物影響發育做唔到model

2021-02-26 (週五) 08:00 上午

有病當然要看醫生,病人需要對症下藥才能得以康復,不過往往就有人因為迷信和傳統觀念而諱疾忌醫,最近Facebook專頁診所低能奇觀版主就分享一則令網民爆笑的遭遇。

版主起首已表示有天有1位小朋友患病,竟然由6位大人陪伴前來。當取藥時父母上前聽講解,而本來坐在一旁的婆婆亦慢慢行來參與其中。當版主講到進食退燒止痛藥水時,婆婆突然伸手取走藥水,問道:「呢啲唔食得唔食得。」而版主就向婆婆表示「發緊燒要食㗎,無燒嘅話就可以唔食㗎啦,隨時可以停。」婆婆隨即收起藥水:「唔食得!」

媽媽和婆婆擾攘一番後,婆婆終於道出原因:「細路唔燒唔曉高㗎!」之後媽媽表示「而家唔係以前」,並要求婆婆拿出藥水。後來婆婆行去其他客人問道:「係咪唔食得呢啲嘢啊?」不過無人回應。之後婆婆向發燒孫仔講:「唔係你阿媽畀咩你食就要食㗎,食完唔曉高大個做唔到model㗎!」哦!事件終於解畫,原來婆婆希望孫仔長大做模特兒,擔心食藥會影響發育。不過網民就不太認同婆婆講法,有人笑言婆婆細個時燒壞腦,亦有人擔心他日小朋友因無食藥而病情惡化的話,診所會被算帳,未知小朋友回家後是否能依時食藥呢?