熱話 時尙 食玩 生活 旅遊 娛樂 親子 專欄 着數

封導演會影帝 黃秋生打冷震

2019-03-12 (週二) 08:00 上午

香港電影導演會30周年晚宴暨年度頒獎典禮前晚舉行,共頒發8個獎項,其中電影《無雙》獲得最佳電影,莊文強憑此片奪得最佳導演;黃秋生及曾美慧孜獲頒最佳男、女主角。大會又向已故導演林嶺東頒發榮譽大獎,新會長張婉婷台上致詞表示:「林嶺東突然離世,係電影界嘅損失,我哋喺呢度對佢作出深切哀悼、呢個獎佢係實至名歸。」
而黃秋生獲獎時笑言:「讀我個名出嚟嘅時候真係打冷震,乜陳果喺導演會好大勢力咩?我攞到呢個獎真係好榮幸同不可思議,導演係好難服侍,要一個認同已經好難,仲要咁多個認同你,係一個好大成就。」曾美慧孜則開心得忘記謝詞,並謂:「我要多謝導演陳果,佢畀咗個機會令我成長。」