熱話 時尙 食玩 生活 旅遊 娛樂 親子 專欄 着數

張敬軒送吻 關智斌勁冧

2019-09-17 (週二) 08:00 上午


關智斌(Kenny)一連兩場的處男紅館騷《KENNY is BORN 關智斌演唱會》前晚尾場,容祖兒、Twins、張敬軒(軒仔)及古巨基繼續做嘉賓。席間,Kenny再次以全白露腹肌和股骨的裝扮,大騷肌肉線條,祖兒於台上勁摸Kenny胸肌,其間兩人不慎撞咪,即大講黃色笑話,祖兒打趣道:「支咪係張敬軒,兩支棍一齊撞吓撞吓,我講咪咋。」令全場爆笑。
接着軒仔彈鋼琴和Kenny合唱,觀眾即大叫「咀佢」,至臨近尾聲,在祖兒起哄下,嘉賓每人錫Kenny一啖,引得全場尖叫,成焦點的軒仔迅速錫了Kenny面珠一啖,錫完還開心到彈起,場面搞笑。騷後,Kenny表示冇尷尬,問是否與軒仔感情復合?他說:「家人感情,咩感情復合,見面錫吓(好驚喜?)冇,只係平時唔喺台上錫,大家大驚小怪。」對於舊拍檔Steven未有來睇騷,他稱明白對方心情,望給予時間Steven做好自己角色。