熱話 時尙 食玩 生活 旅遊 娛樂 親子 專欄 着數

愛心花紋原來係P圖 本尊現身網民笑爆

2021-01-20 (週三) 08:00 上午

網上瘋傳一隻萌爆喵星人,因為嘴仔、心口,甚至兩雙腳仔的毛色,咁啱都係心型圖案,似足向奴才示愛一樣,搞到唔少網民即時心心眼,這隻名叫「狗蛋」的英國短毛,在網絡突然爆紅,照片只上載一天,就已經獲得近4萬個轉發,以及16萬Like,大家更直言好想將「狗蛋」帶回家。

後來飼主更上載多張「狗蛋」的照片,全部都爆Like,俘擄更多網民的心,而且部分相片中「狗蛋」表情得戚,令牠獲得「全網最渣的貓」的稱號,因為大家笑指其表情似足偶像劇中的壞學生。

不過早前飼主就自爆,原來「狗蛋」身上的愛心都是假的,因為覺得好玩,所以隨手將「狗蛋」P圖,冇諗過相片會在網上瘋傳,唔少網民見到「狗蛋」真身後,笑牠似足大叔一樣,不過就大讚冇被P圖的「狗蛋」睇落年輕好多。





網民見到「狗蛋」真身後,指牠非常麻甩。

其實「狗蛋」本尊都幾得意吖!