2021年01月26日 

新戲演催眠師 張家輝:好難催到我

2019-11-07 (週四)

張家輝新作《催眠.裁決》與三位新晉導演劉永泰(阿泰)、黎兆鈞(Ken)及施柏林(Paul)合作,家輝在片中飾演催眠高手兼家族兇殺案陪審團成員,正當案件進入陪審團準備退庭商議之際,家輝被要脅利用其催眠術,令陪審團裁定被告謀殺罪名成立,否則他被綁架的女兒將會被撕票,絕對考演技!

撰文:老詠誼
攝影:陸羽勝
化妝:Midco Chu
髮型:Edmond fung @HH.hair
場地提供:港威酒店

對於催眠,家輝直言事前並不認識,幸好三位導演事前有為他安排訓練,拍攝時亦有催眠師在場作指導,被問單純催眠劇情會否太沉悶?他說:「題材喺香港好少有,都會擔心淨係講催眠會好悶,所以導演走雙線發展,我一邊喺法庭做催眠,另一邊我舅仔(張翰飾)有動作戲救我個女。」

合作有默契
家輝又指拍攝前,三位導演已解決劇情順暢度、拍攝難度問題,令他演起來更得心應手。三位新晉導演阿泰、Ken及Paul早於2007年合作,默契很好,三人直言早已視對方為家人,被問到可會有意見不合的時候?Ken直言:「有,都係觀點唔同,不過三個人無咩交好嗌,因為只要有兩個人意見一致,第三個亦會認同。」

不敢被催眠
問家輝拍攝現場長期有催眠師在場,可有一嘗被催眠的感受?他指催眠是一種神秘力量,很多年前已經想試:「不過我唔敢呀,我怕自己潛藏一啲個性連我自己都唔知,擔心催眠後會激發內心深處,會殺人、放火,又或者提晒自己銀行啲錢出嚟派!」他又直言自己一向是理性且公道的人,故很難被催眠。

麻醉拍情戲
這麼理性,如何拍感情戲? 家輝笑指:「一定係自我麻醉咁去做,用情緒去控制!(難投入角色?)可以咁講,但係喺一個好理性嘅邊緣,其實係好唔理性,有時候睇劇本,去到好投入階段,就可以做到想做嘅情感!不過當然會有失手嘅時候,只係我唔會同人講!」
導演阿泰則自爆拍攝時有嘗試被催眠:「不過唔係好公道嘅,因為周圍有人打緊燈、排緊戲,現場太嘈吵啦,有啲指令我又無做到,應該唔可以作準,其中有一部分要Paul搣我,我真係唔覺得痛,但Paul話已經出盡力去搣,可能係部分成功啦!」