熱話 時尙 食玩 生活 旅遊 娛樂 親子 專欄 着數

明抽暗寸 周柏豪 簽名Tee開價6千人仔

2019-05-09 (週四) 08:00 上午

家下啲人乜都鍾意攞嚟炒,尤其係明星商品!好似早排余文樂旗下潮牌同著名波鞋牌子聯乘嘅新鞋,就畀人炒到4、5千蚊,老闆余文樂都有喺社交網分享呢單消息,但就畀網民插佢助長炒風!近日,輪到佢嘅舊波友周柏豪推出嘅自家品牌衫,畀人炒到6,666元人民幣一件,上面仲要附加埋本尊嘅親筆簽名㖭,聽講係一名內地粉絲早前帶埋件Tee同CD去佢嘅成都簽名會,請求柏豪簽名,事後再喺網上高價出售!不過今次柏豪未有自己出Po分享,反而佢嘅內地後援會官方微博就轉載咗,仲留言鬧爆:「不知所謂!大家千萬不要讓這種人有機可乘、有利可圖!」柏豪方面都即刻提醒大家唔好中伏呀!