熱話 時尙 食玩 生活 旅遊 娛樂 親子 專欄 着數

明抽暗寸 姜濤 畀Anson Lo「毀容」

2019-06-03 (週一) 08:00 上午

迷倒萬千港女嘅「土炮小鮮肉」姜濤要「毀容」了!話說噚日MIRROR喺中環戶外場地表演,眾人喺烈日當空下勁歌熱舞唱咗3首歌,搞到台下班妹豬嗌到拆天!點知跳跳吓,拎住支咪嘅盧瀚霆(Anson Lo)唔少心打咗落姜濤度,令對方左眼肚位置又腫又瘀,不過姜濤都好專業,繼續忍痛唱到尾,落台後先返休息室消毒傷口。受訪時,一班「花生友」不停笑話「打者愛也」,好在姜濤都冇怪責隊友,仲話:「後生好快就好番,我都想有個疤痕,男仔要有啲傷痕,但唔好喺塊面,因為面部難遮掩。」但Anson Lo就一直喺隔籬講「唔好意思」,又話會幫手敷冰,等佢上妝時唔會腫。