熱話 時尙 食玩 生活 旅遊 娛樂 親子 專欄 着數

明抽暗寸 張學友 代言「劉德華燒雞」

2019-03-12 (週二) 08:00 上午

明星畀人認錯嘅事情屢見不鮮,最經典一定係好多年前許志安被誤認係杜德偉,仲畀嗰位網友投訴:「條友好寸,叫佢杜生都唔睬人。」認真爆笑!不過笑料點止一則,噚日網上就流傳一張賣燒雞嘅廣告相,圖中,以簡體字大大隻寫住「劉德華燒雞」,但下面居然係搵咗張學友用手托住一隻疑似燒鵝嘅相,而非劉德華本人,究竟係認錯人?定係玩嘢呢?真係不得而知。不過,早前內地都有一間科技公司,將華仔嘅肖像、名字同簽名印喺佢哋嘅產品上面,結果被華仔入稟要求被告公開道歉、賠償200幾萬人仔,今次咁玩法,唔知華仔方面又會唔會入稟,入稟又告唔告得入呢?