熱話 時尙 食玩 生活 旅遊 娛樂 親子 專欄 着數

明抽暗寸 張敬軒 組「冚家軒」闖樂壇

2019-01-22 (週二) 08:00 上午

張敬軒(軒仔)經常畀人話同多位名人、藝人撞樣,最經典嘅有南非騎師麥偉利同Emma Watson等,近日佢更召喚5位來自香港、馬來西亞同南非嘅「翻版張敬軒」一齊拍廣告!而噚日軒仔就帶埋班「兄弟」出席電訊公司活動,佢仲話有意同佢哋組成「冚家軒」闖樂壇,實行到泰國、菲律賓、越南等地「尋親」咁話!早已自嘲有「6%越南人血統」嘅軒仔又話年中會去越南一段時間,佢話:「好想開發當地市場,好似開餐廳咁,所以去年底都有搵老師學越南文,其實我都出過首越南版本嘅歌,不過冇人聽得明啫。」仲話假如要長駐嗰邊工作,會考慮喺當地置業㖭,係真唔係呀?