熱話 時尙 食玩 生活 旅遊 娛樂 親子 專欄 着數

明抽暗寸 林子善收300蚊人情嫌少

2019-04-09 (週二) 08:00 上午

人類總要犯重複的錯……早年「5百蚊人情港女」事件已經畀網民轟到上報,估唔到事隔多年,上年4月同太太董佩欣喺將軍澳某酒店補擺喜酒嘅林子善,近日都畀網友篤爆佢為300蚊人情同朋友反目!事緣,子善喺社交網留言揶揄嗰位賓客:「你畀我份人情令我永世難忘。」雖然對方都即刻耍冧道歉,但子善就繼續追擊,話冇錢、畀300蚊都冇所謂,咪當請對方食囉,仲話:「最搞笑係你facebook inbox我話想參與我嘅婚禮,最後一個咁嘅結果,嗰吓我同我老婆真係笑咗出嚟。」最後又叫人上網Check吓公價,結果梗係畀網民插爆佢冇品,周圍唱啦,但噚日子善就死撐話:「我成日都亂噏,只係講笑。」