熱話 時尙 食玩 生活 旅遊 娛樂 親子 專欄 着數

明抽暗寸 林峯 「友情價」重返無綫

2019-03-18 (週一) 08:00 上午

地球真係圓㗎!14年離巢無綫外闖的林峯,曾經一度激嬲咗方丈而遭封殺,不過噚日佢就高調咁宣布回巢無綫,仲有高層杜之克、何哲圖同余詠珊護航下,現身《HOMECOMING》嘅記者會,嘩,聽個名都知有幾溫馨啦!林峯將會同星夢娛樂合作,唱歌兼拍劇,但經理人合約依舊係天高娛樂,同佘詩曼、宣萱同門。又拍劇又出碟,係咪想做「視帝」呢?林峯話:「唔好嫌我老土,攞獎對我嚟講唔係最重要,我係一個需要過戲癮嘅人,拍咗20年戲,希望尋求突破。」咁最受歡迎男歌手呢?佢諗咗一諗,然後話:「畀就梗係要啦!」問到今次回巢酬勞係咪好吸引?林峯笑笑口話:「友情價、回歸價,因為返娘家真係好開心,好掛住所有同事。」