熱話 時尙 食玩 生活 旅遊 娛樂 親子 專欄 着數

明抽暗寸 楊冪 低調來港探女?

2019-03-06 (週三) 08:00 上午

內地女星楊冪同劉愷威喺去年冬至宣布離婚後,雖然話雙方今後以親人身份共同撫養囡囡「小糯米」,但早排農曆新年都未見楊冪現身香港,反而不時睇到劉愷威湊女出街嘅報道。直到噚日,忙完手頭上工作嘅楊冪終於秘密返港,好似話此行係為咗探個女,不過前老爺劉丹就回應傳媒話:「我都唔知,因為今朝一早都出咗去啦!」楊冪打扮得好低調,戴晒Cap帽同口罩,一出閘見到有記者,就即刻轉身行番入禁區,之後由女助手陪住離開機場,記者不停問佢:「係咪探囡囡?」、「會唔會同劉愷威見面?」呢啲問題,佢都全程冇回應,仲要助手以「不回答私人事情」幫佢擋駕。