2020年12月1日 

明抽暗寸 聞「王妃」 謝霆鋒勁冧喪笑

2019-01-07 (週一)

謝霆鋒嘅內地飲食節目《鋒味》前晚播出最新一集,仲同佘詩曼(阿佘)遠赴土耳其拍攝外景!呢集佢兩個唔單止喺餐廳鬥廚藝,仲去咗試當地特產「土耳其咖啡」,其間一名喺土耳其住咗超過20年嘅新疆人,就同霆鋒講識得「土耳其咖啡占卜」,而且好準㖭!於是嗰個人將霆鋒飲完嗰杯咖啡反轉,再望吓杯中殘留嘅咖啡渣話:「我看你應該是貴族一樣,有可能是王子。」仲話好多女人鍾意霆鋒㖭,點知坐喺旁邊嘅阿佘即刻指住杯中嘅「女人樣」,然後大笑話:「這是王子的老婆,王妃!」聽到「王菲」呢兩隻字,本來勁Chok嘅霆鋒都忍唔住冧爆喪笑,早排仲話傳分手喎,真係不言而喻呀!