熱話 時尙 食玩 生活 旅遊 娛樂 親子 專欄 着數

明抽暗寸 蔡穎恩 凸腩照惹大肚疑雲

2019-01-28 (週一) 08:00 上午

蔡穎恩(Evelyn)一向身材Fit到漏,雖然成日喺社交網晒靚相,但大多數都係包到冚,而日前佢就好罕有咁派吓福利,開心Share咗張黑白嘅正面泳裝照,點知惹嚟大肚疑雲!事關相中着住兩件頭嘅Evelyn,腰間忽然多咗團肉,搞到一班網民以為佢有喜,紛紛留言祝福佢㖭!Evelyn睇到就梗係即刻刪Po啦,仲急急澄清只係前一晚食多咗,又好晦氣咁話:「我知道我不應該被口痕友的說話影響到,但我就是很在意,因為他們令我對自己有懷疑了,好吧那以後我就不想再分享私底下真實的自己,只分享大家愛看到包裝出來的完美蔡穎恩。」又反問係咪應該絕食先影相?做女藝人壓力真大呀!