熱話 時尙 食玩 生活 旅遊 娛樂 親子 專欄 着數

明抽暗寸 陳偉霆 港式英語遭恥笑

2019-05-28 (週二) 08:00 上午

近年喺內地爆紅嘅陳偉霆(William)成為廣告、影視界搶手貨,但同時亦為佢招來話柄,好似早前William為迪士尼真人電影《阿拉丁》唱嘅中文版《A Whole New World》,就畀人狠批「童話幻滅」兼「聽到耳朵流產」!話口未完,最近佢為國際級品牌拍嘅腕錶廣告亦喺網上瘋傳,事關45秒嘅短片入面,William全程以港式英語講對白,仲將“Try”讀成「猜」、“Artist”讀成「阿tist」,結果畀網友洗版式嘲笑,連林作、英語KOL蕭叔叔都忍唔住「抽」埋一份!林作自拍一條新片惡搞對方,又寸爆留言:「近年睇過最大鑊嘅廣告。想問:搵個英文人,例如我,現場執下佢,真係咁難?」又或者呢個係宣傳策略呢!