熱話 時尙 食玩 生活 旅遊 娛樂 親子 專欄 着數

明抽暗寸 陳曉東 爆老婆被誤陀B勁嬲

2019-02-27 (週三) 08:00 上午

陳曉東(東東)即將喺紅館開騷,噚日就為演唱會排舞,講到早前佢同老婆王妤嫻Shopping買BB用品,鬆身打扮嘅陳太孕味勁濃,咁梗係要問吓陳生,係咪再做老竇呀?點知東東就話:「唔係買BB用品,只係買嘢畀兩個女,香港可以買嘢嘅地方嚟嚟去去得嗰幾個。」又話太太一向鍾意着鬆身衫,東東仲大爆老婆好嬲,佢話:「報道出街之後,佢嬲到爆,話要同我一齊去健身兼戒口。」咁又係,女人最怕就係明明冇陀B,竟然被誤會係大肚婆,都咪話唔Hurt!問到東東有冇追仔計劃?佢話:「自自然然算啦,係追都追演唱會Part 2先啦,總之大家都努力,合作愉快啦。」