熱話 時尙 食玩 生活 旅遊 娛樂 親子 專欄 着數

明抽暗寸 陳浩民 孖老婆啪針變靚啲

2019-04-29 (週一) 08:00 上午

做得幕前多數都係靠樣搵食,所以貪靚都好正常啫,但到咗呢個世代,依然有好多藝人做過微調或變臉都唔敢認,無論係男星定女星,就算畀人話個樣變到2.0、3.0、4.0 ……都繼續自欺欺人,死撐話自己只係「瘦咗」、「化妝叻咗」之類咁,真係當啲讀者傻的嗎?不過,最近終於有人「勇敢站出來」,佢哋就係陳浩民夫婦嘞!話說早排浩民去打肉毒桿菌豐額減紋同改善虎紋,仲接受埋膠原埋線,其間居然叫老婆蔣麗莎幫手揸機影相,同大家直擊打針實況,令人譁然!敢做敢認嘅佢就話:「時代唔同喇,依家醫學美容好普遍,呢啲療程好多人都做過啦!」仲唔介意老婆都做埋一份㖭!