熱話 時尙 食玩 生活 旅遊 娛樂 親子 專欄 着數

有份主持《演鬥聽》 王梓軒感激曾志偉

2021-03-30 (週二) 08:00 上午

王梓軒與日韓設計師設計的可愛、滑稽公仔「Shitto Kun」,近日正式登陸烘焙店Bakebe,梓軒盛裝出席開幕禮,同場亦有剛成為媽媽的倪晨曦。梓軒說:「Shitto Kun終於有自己嘅蛋糕喇!因為Shitto Kun酸漏漏、唔抵得人嘅性格,所以我哋同樣設計咗一個酸漏漏,又可以幫我哋發洩到負面情緒嘅bombshell,扑開佢之後見到好多好精美嘅甜品,先酸後甜,仲有世界上最酸嘅馬卡龍,酸度仲可以自己調教。」

會不會約女性朋友來試整Shitto Kun bombshell?「呢度已經全場係女仔啦!全部都係我約嘅,哈哈……我約到嘅朋友都會約。(Shitto Kun之後會唔會同其他品牌合作呀?)有呀!我哋一路有造衫,亦都有設計一隻錶,又準備緊出一系列嘅動漫,希望Shitto Kun嘅故事可以令大家放鬆心情,喺困難嘅時候開心啲!」

全新的音樂競技節目《演鬥聽》,將會於下個月開始拍攝,梓軒說:「好開心志偉哥俾咗呢個機會我哋,係由音樂人去主導嘅音樂節目,個班底好勁,嘉賓上嚟亦會好好玩,其中一個嘉賓係Eric Kwok,我哋玩勁啲!下星期就會先拍一個demo,月中就會正式開始,我見到個schedule都驚!」

王梓軒與日韓設計師設計的公仔「Shitto Kun」,近日登陸烘焙店Bakebe,梓軒說:「Shitto Kun終於有自己嘅蛋糕喇,可以幫我哋發洩到負面情緒嘅bombshell,扑開佢之後見到好多好精美嘅甜品。」
可以調教酸度的「酸仔馬卡龍」。
倪晨曦到來恭賀。