2020年08月14日 
2019-03-05


李珊珊 拍片鋪路復出


神隱7年,曾被傳患腦癌的李珊珊,自上月應好友東華主席王賢誌邀請《誌友共聚慈善音樂會》,就開始變得活躍,昨日更罕有貼出短片,素顏現身的她與教練齊齊做運動,又留言:「早晨,又是我,李珊珊,來來來,一切由今日開始。」 片段中,戴上眼鏡的珊珊身在公園內坐於瑜伽墊上,身型顯得有點臃腫,不過精神不俗,並謂︰「我之前喺專欄講過,要重建生活,不過重建生活其實冇嘢可以準備,最緊要係行動,我依家第一樣介紹就係做運動先,最緊要攞番個體魄。」
當中她又引用張家輝的金句,珊珊說︰「今日唔係狀態啫,學張家輝話齋,今日冇唔代表聽日冇。我哋由第一日開始,見證我去做運動,學番整頭、化妝、護理皮膚,逐步重建番個生活,行番第一步,最緊要係開心,有番自己嘅生活係最重要。我好重申呢一點,靚唔靚或者肥同瘦都係其次,當然我對自己都有要求,希望去番最佳狀態見大家。」還呼籲大家多多支持,看來她已準備全面復出!