2020年08月11日 
2019-09-06


梁舜燕設靈 李克勤胡楓哀傷送別


人稱「上等人」的梁舜燕上月逝世,終年90歲,昨日於紅磡世界殯儀館設靈,一眾圈中好友紛紛到場致祭,契仔李克勤則一臉哀傷;而梁舜燕的孫仔阮浩棕則謂,嫲嫲一生精采、一生無憾。

梁舜燕(Lily,原名梁淑貞)上月因身體機能衰竭逝世,享年90歲,昨日假紅磡世界殯儀館設靈,今晨出殯後移師歌連臣角火化。由於Lily姐生前是虔誠天主教徒,喪禮採用天主教儀式進行。約下午3時,Lily姐的家人已抵達靈堂打點,一對孫仔阮浩棕與阮浩鋒步出受訪,浩棕直言嫲嫲貪靚,為了挑選一張靚相作遺照,特意向無綫借了一張《黃金有罪》的劇照。問Lily姐有何遺願?浩棕說:「嫲嫲一生無憾,唯一係喺病牀嘅時候,佢講過希望可以出番嚟拍嘢,可惜事與願違。」

難忘一齊合唱
至5時許,克勤與太太盧淑儀、劉少君、李司棋、汪明荃和宣萱等陸續到場,神情哀傷的克勤逗留半小時便離開,最終他雙手合十婉拒訪問。而好友胡楓現身時,直言好哀傷、好內疚,他眼濕濕說:「多年前拍劇時,我哼過一首歌,佢喺旁邊唱,當時大家好夾,Lily姐有個心願希望喺電視劇中同我合唱一首《One day when we were young》,當時我答佢好,但到今日未能完成佢嘅心願。之前喺佢生日合唱過,總算還咗佢心願。」