2020年08月15日 

樂基兒患妊娠糖尿 靠轉餐單減6磅

2019-03-01

現時懷孕7個月的樂基兒(Gaile)昨日挺巨肚出席護膚品牌活動,同場嘉賓還有梁洛施、徐濠縈和余香凝等。預產期為4月尾、5月頭的 Gaile,直言心情有少少緊張,但很享受懷孕過程。提到早前於社交網自爆有妊娠糖尿,她解釋因母親家族遺傳有高膽固醇,故現時要小心飲食,並謂:「我知道自己嘅身體唔可以食甜,初初都有少少擔心,但依家冇嘢,BB好健康。懷孕後我肥咗22磅,轉食餐單後瘦咗6磅,但只係減自己嘅磅,BB冇瘦到,佢依家3磅,屬於高嘅BB。」她又透露會留港自然分娩,皆因香港有陪月,老公亦在港工作。
談到長子李長治快將10歲生日,梁洛施慶幸3個兒子都聽教聽話,亦未提過要識女仔,她說:「我好傳統,所以反對年紀太細拍拖,最好等到18歲以上。」又爆8歲細仔較黐身,現時更識得查她的工作行程,非常八卦。