熱話 時尙 食玩 生活 旅遊 娛樂 親子 專欄 着數

【沙田】 $98任食串燒+船麵 必試泰北「求財」咖哩麵

2020-12-04 (週五) 08:00 上午

位於沙田石門的泰菜小店船仔,船麵放題只需要$98,限時內唔單止任食船麵,仲有串燒、沙律、生菜可以揀,而且汽水都可以任飲,大胃王不妨來挑戰一下!

多款配搭

這裏的湯底由老闆親身去泰國學師,以大量豬骨、茴香、八角、南薑、玉桂及菠蘿等材料熬3小時而成,湯頭不像其他船麵般甜,老闆指:「考慮到香港人未必習慣食麵配甜的湯底,所以特別調較貼近港人口味。」而餸菜就有魚蛋、魚片、扎肉、泰式牛丸等8款選擇,小編最喜歡豬頸肉,入味而又夠腍;至於麵底亦可揀金邊粉、檬粉、米粉或河粉。任食串燒當中,有齊最基本的豬、牛、雞,而沙嗲醬更是老闆親身秘製。

(上)泰式牛丸、香茅雞中翼(下)魚蛋、魚片
(上)豬頸肉、肥牛(下)扎肉、泰式豬肉丸
串燒有雞、牛、豬選擇,沙嗲醬更是老闆秘製。

濃郁湯底

自問唔係大胃王就可以選擇單點,強烈推介泰北求財咖喱麵,這款麵泰文叫作「Khao Soi」,店主取其諧音「求財」,好意頭又易記,小編就選擇了泰國公仔麵底,老闆表示:「於泰北試過Khao Soi,濃郁湯底夾酸菜及乾蔥,我很喜歡,所以決定『帶回』香港。香港比較少餐廳賣這款麵,因為成本高,而且湯底不可以放太久。」小編認為「求財」麵有點似叻沙,不過湯底比較濃郁而帶點椰香。

泰北求財咖哩麵 $52(泰國公仔麵+$8)
肥牛冬蔭功麵餐 $58
自家煲的龍眼冰非常好飲,一定要試!
唔夠喉仲可以點埋泰式小食拼盤!

船仔
地址:沙田石門安群街京瑞廣場一期2樓233號
電話:2661 6269
時間:1100 - 2100