熱話 時尙 食玩 生活 旅遊 娛樂 親子 專欄 着數

流動廁所有鬼? 有冇發現《動物森友會》秘密彩蛋

2020-07-09 (週四) 08:00 上午

Switch遊戲《集合啦!動物森友會》推出幾個月,人企依然冇減,唔少玩家為了設計島嶼幾乎「爆肝」!雖然日玩夜玩,但其實《動森》之中無論道具、場景或背景配樂,其實都隱藏了不少秘密彩蛋,唔知大家又知道幾多個呢?

島上訊號不穩
大家經常要拎出遊戲中的手提電話,但原來於坐着的狀態時,手機會變成冇訊號,所以與啟動「島嶼創作家」時,一定要企起身啊!

詭異的流動廁所
遊戲內不少傢俬都有互動功能,唯獨流動廁所完全冇用,唔少人都曾經以為可以打開用來換衫,其實只要你持續於敲門,入面會有人回應,係咪好恐怖呢⋯⋯

狸商店的關店音樂
於日本百貨公司或賣場,在關門前都會播放同樣的旋律,其實呢歌曲係蘇格蘭民謠《別離的華爾滋》,當地人只要聽到呢首歌曲,就知道商店要關門,留意一下,每晚21:50狸貓的商店都會播呢首歌!


古惑的牆紙
在駱嵐兜售的牆紙,所謂不可思議,其實都隱薦特別之處,例如「毛毛細雨牆」就會看到落雨的情況、「雲上風景牆」則見到會郁的浮雲,但最特別就是「職業摔角牆」,若然你在房間敲響「拳擊鐘」,牆紙上的觀眾會突然郁動,而且閃光燈會不停閃。至於若屋內貼上「骷髏壁紙」,關燈等10秒左右,就會發現原來牆上的骷髏頭係夜光啊!

噴水池的秘密
很多網友都將噴水池放在重要位置,不過有冇發現噴水池的秘密呢?其實每當搭正(例如1點正、2點正⋯⋯)遊戲報時系統響起鐘聲時,噴水池噴出來的水都會特別高!

馬桶唔止係裝飾
相信大家都知道,如果食完生果,就可以變得力大無窮,可以打爆石頭或者搬走樹木,但如果唔小心食完生果,咁點算呢?其實只要坐在馬桶上,就會痾得乾乾淨淨啦!

快速叫醒呂遊
叫醒呂遊每每要花很多功夫,其實只要在適當的距離,以捕蟲網拍醒牠就可以了。

細緻的雨水
如果落雨的時候走近窗邊,就會發現窗上不單止會起了一層霧,而且更有雨點打到窗的效果;至於落雨如果角色冇用雨傘的話,有冇留意衣物會被淋濕呢?此外絕大部份村民在雨天都會換雨褸或拎雨傘,只有青蛙完全不受影嚮,如果本來拎雨傘的村民想坐低時,為免弄濕身體,都會先變身換上雨褸,非常錫身!

做足洗衣程序
遊戲中不少傢電都並非只是裝飾,例如打開雪櫃門可以換裝、開電視會播放節目,其實洗衣機也會運作,當角色走到洗衣機前並按A掣,洗衣機會開始「洗衫」整個過程長達4分鐘,而且更會進入排水與中途脫水的程序,就連洗完衫的提示聲也有,真係超級細緻!

吹風設計
如果開着冷氣、風扇等電器用品,當風吹到曬衣架或植物,這些家品都會隨風攞動,如果你立即將電器關上,家品都會靜止下來。

渴睡傅達
貓頭鷹是夜行性動物,所以日間到博物館時,總會見到傅達瞌眼瞓,其實傅達大約每12秒就會再入瞓着,唔信?下次實測一下!