熱話 時尙 食玩 生活 旅遊 娛樂 親子 專欄 着數

父子檔開騷 林子祥唔鬧林德信直接打

2019-02-27 (週三) 08:00 上午

闊別紅館3年的林子祥(Lam)將於5月3至7日舉行《林子祥 Lamusical 2019演唱會》,昨日他於母校拔萃男書院中學禮堂舉行記者會,老婆葉蒨文更現身撐場!阿Lam透露今次演唱會以音樂劇形式演出,更找來兒子林德信(Alex)、小肥及胡琳合作演出,4人在記者會上即場合唱一曲《三人行》。兩父子一齊受訪,Lam興奮表示:「希望透過音樂去講故事,同一班年輕人一齊玩係幾開心。」Alex表示早於一年前已收到曲目,他坦言:「真係幾大壓力,每人起碼要唱4、5首歌,仲要跳舞彈樂器。」問到Lam有否出力「鞭策」個仔?他笑言:「由細到大我都未鬧過佢,係打過佢一次,鬧都費事,到時排唔掂就直接出手打。」