2020年08月15日 

王祖藍孖老婆 撇B女歎世界

2019-01-29

王祖藍昨日為執導賀歲片《你咪理,我愛你!》宣傳,新年亦照常開工直至2月14日情人節,他謂:「因為嗰日係結婚周年,我同太太(李亞男)會飛去日本。(會唔捨得囡囡?)唔捨得都要捨得,要錫住太太先,唔想佢日日對住BB咁大壓力。」提到日前為財爺陳茂波的網上直播節目做主持,最終被網民派千個「嬲嬲」,問會否擔心涉及政治話題被拖累形象?祖藍說:「以阿姐(汪明荃)為榜樣啦!阿姐會關心亦敢言,所以喺網上直播我冇過濾問題,我基本上删除粗口外,都講出來問,比較貼地啲。」

對於賀歲檔多對手,王祖藍直言不敢講對票房的預期,但希望先贏口碑。