2021年01月26日 

田蕊妮演唱會 拒杜汶澤插手

2019-07-30 (週二)

田蕊妮將於9月20日假旺角麥花臣場館舉行演唱會,昨日記者會上晒出多張阿田的童年照及父母合照等,她表示首個售票演唱會,將會加入Talk Show元素,話題會環繞其自身經歷,或大家不知道的事情,希望帶出“ New Start ”這個主題。拍到她每次提到過世的媽媽時,都會忍不住喊,阿田坦言:「係㗎!識我嘅人都知我唔識得掩飾自己,企到台上,希望帶到我最真實同真心嘅一面出嚟,無論笑同喊,都想同大家分享。」問到老公杜汶澤有否給意見?她笑言:「冇問佢,我唔畀佢插手,我想自己創作。」嘉賓將會有吳業坤及田爸爸,阿田指爸爸好緊張,大爆對方近日不停唱K練歌。