2020年08月14日 
2019-08-15


田蕊妮 晒小蠻腰宣傳新劇


田蕊妮(阿田)、曹永廉(阿廉)與李思捷等昨日為主演的無綫新劇《她。她。她的少女時代》宣傳,眾演員即場示範瑜伽動作。阿田更大騷Fit爆小蠻腰,原來因為她已為演唱會作準備,她說:「食咗個幾星期健康餐,希望嚟緊再Firm啲。」談到兩年冇出新劇,會否有收視壓力?阿田坦言:「有咁耐咩?收視呢樣嘢冇得好講,不過好多同事睇完套劇都讚好睇就已經好開心!」而身為男主角的阿廉則謙稱自己「只係傍住阿田」,並冇收視壓力。