2020年08月6日 
2019-03-05


眾星撐都市卓越品牌大獎 林芊妤帶萌B搶Fo


由《都市日報》及《都市盛世》主辦的「都市卓越品牌大獎2018」嘉許典禮昨日舉行,不少網絡紅人均現身領獎,「最索媽咪」林芊妤更帶同萌爆囝囝到場,瞬間搶去全場Fo!

「都市卓越品牌大獎2018」嘉許典禮昨日假香港麗思卡爾頓酒店舉行,今屆獲得網上大獎的8個藝人/KOL單位,包括陳智燊(Jason)、沈卓盈、林芊妤(Coffee)、莊端兒、袁嘉敏、范振鋒與林作,以及專拍片做兵而爆紅的YouTuber熊仔頭,均有出席領獎,場面熱鬧。當中,莊端兒和袁嘉敏更以性感低胸Look,大晒4吋事業線,令人窒息!
在《都市日報》社長李永康致詞及主禮祝酒儀式後,大會便展開一系列頒發品牌大獎儀式, 勇奪「最厲害網絡YouTuber大獎」的熊仔頭,即席公開招募「新一代娘娘」,並笑謂:「對演技有熱誠、鍾意畀觀眾見到,同埋最緊要係單身嘅話,一定要嚟(應徵)喇!(想同邊個女神合作?)朱千雪、岑麗香、馮盈盈都不得了!3個都係港姐,講嘢風趣得嚟又有學識,唔錯!」
沈卓盈盼周遊列國
獲得「網上最索媽咪大獎」的Coffee,攜同4個月大的兒子翟德彥到場,結果B仔成為全場焦點,引來沈卓盈、袁嘉敏和Jason等搶住抱。Coffee直言希望有更多時間湊仔,故現時多接有質素的Job,她笑說:「結婚前,老公話女人生咗仔都一定要出去做嘢,咁先係事業型女性,直到我生完仔,佢就轉晒口風,話肯留喺屋企湊小朋友嘅媽咪先最偉大、最難嘅工作,但我梗係唔會淨係留喺屋企啦!」
而贏得「網上最索旅遊節目女主持大獎」的沈卓盈則盼到西班牙、布拉格及瑞士旅行,問可恨跟男友於當地拍婚照?她說:「我哋各自都有鍾意嘅地方,其實好多歐洲地方都靚,都值得參考嘅。」至於獲 「網上最佳中產男神大獎」 的Jason笑稱若有 「藝人新手爸爸獎」 自己一定入圍,他笑道:「我啲戲雖然未必夠鄭嘉穎好,但做爸爸佢新到唔新,我點都有啲嘢叻佢少少,所以一定有得揮。」