2020年08月6日 
2019-09-13


移民愛爾蘭 最後黃金時間


最近社會動盪,令到移民潮再度泛起,Candy身邊好多朋友都四出打聽,究竟移民邊度好?邊度門檻低?邊度嘅教育同生活配套又最好?
Candy見到新一期《都市盛世》封面故事,就訪問咗保得信集團嘅兩位移民專家─馮岳枝同陳嘉莉,佢哋都提到,近幾個月以來,佢哋單喺收到有關移民嘅查詢就升咗四倍。馮岳枝就話:「愛爾蘭成為近年嘅移民新貴,因為無論喺住屋、生活環境同教育等方面都好好,而且係英語國家,適合香港人居住。而愛爾蘭鄰近英國,只要持有愛爾蘭護照,都可以喺英國升學同生活;加上英國脫歐後,愛爾蘭仍然留歐,你仍可自由穿梭27個歐盟成員國。」
佢又提醒大家,今年投資移民愛爾蘭嘅最後申請日期係10月底,而之後要申請歐盟簽證將會愈來愈困難,如果大家想移民愛爾蘭,就要把握今年申請嘅最後黃金時間喇!

廠商會婦委 展示女性力量
所謂巾幗不讓鬚眉,Candy不嬲都認為女性嘅力量喺不容忽視!除咗喺職場工作,就算係家庭主婦,或不同階層的婦女,都可以為社會作出貢獻。香港中華廠商聯合會屬下婦女委員會(婦委),就一直鼓勵女性參與工商同公益事務,今年為咗慶祝成立25周年,更加舉辦多個誌慶活動。Candy就去咗婦委嘅敘餐,聽咗嚟緊一系列活動嘅介紹。
其中喺9月28日舉行的「25周年慈善折子戲」,就邀得粵劇名伶蓋鳴暉同吳美英演出多個精采劇目,一眾婦委成員更會粉墨登場,演出《楊門女將》一劇。周年誌慶晚宴節目統籌鄧慧詩話,所有收益扣除成本後,除咗會分階段悉數撥捐畀社福團體外,亦會捐助藝術團體,以推廣和保育本土文化藝術。

中環公關
Candy,金融界公關,
喜歡發掘商界趣事秘聞。