2021年01月17日 

紅出沒注意 TVB童星四少爺 秘戀「長腿哈比」

2019-05-22 (週三)

童星出身的四少爺(丘竣霆),拍過不少無綫劇集及曾參演電影,由於他頗喜歡騷肌,就連高登仔「基派」都留意到這位大隻仔。最近四少參加由「17直播Live」、metroX主辦的網紅主播選舉《17都市驚喜》,受訪時曾表示冇拍拖,不過原來他靜雞雞與入圍《17都市驚喜》的另一個主播「長腿哈比」秘戀一年,日前四少爺還被影到激嬲女友,兩人在公園大耍花槍!不過男方使出兩招拖完再孭,就令嬲嬲豬的長腿哈比笑逐顏開,之後兩人還坐下齊齊睇電話同傾足半粒鐘,再拖手離開公園,皆大歡喜!
對於兩人秘戀一事,長腿哈比直認:「嗰日做完嘢佢嚟接我,我係有啲躁,不過最後我哋都冇事,多謝關心。」至於四少爺坦言兩人已拍拖一段時間,被問到為何之前說自己沒有女朋友?他解釋:「佢(長腿哈比)都係為我好,話始終異性相吸,唔知啲粉絲鍾唔鍾意我哋拍拖,所以有人問起,就迴避呢啲問題。」