熱話 時尙 食玩 生活 旅遊 娛樂 親子 專欄 着數

細佬娶翻版阿嬌 容祖兒豪送物業酒席

2019-04-04 (週四) 08:00 上午

恭喜容祖兒榮升準大姑奶!其胞弟容逸恆前日於社交網Po婚照,宣布6月做老襯,身為家姐的容祖兒昨日則自爆豪送樓及酒席給一對新人!

容祖兒昨日家有喜事!不過並非祖兒爆婚訊,其實是她即將榮升大姑奶,事關其胞弟容逸恆(Samuel)前日於社交網開心Share婚照,宣布與拍拖多年的「翻版阿嬌」Samantha Lee於6月結婚!
對於被細佬爬頭,祖兒昨日出席電台頻道標誌發布會時,她直言好開心:「最好係咁啦,媽咪就會將Focus擺喺佢嗰度,唔使理我。(催細佬生仔?)梗係,係咁催。」並謂已先後送樓、酒席給對方。那麼對弟婦意見如何?她認為最緊要細佬開心:「幾好,佢哋相處夾,我細佬都唔係易處理,佢有自己性格,我哋唔可以畀太多意見,又唔可以完全唔理佢,呢個女仔啱啱好。(似翻版阿嬌?)阿嬌都話幾似,都係靚女。」問容媽媽心願是否盼兩姊弟結婚? Joey笑謂:「當然想我哋有個好嘅歸宿同另一半。(你幾時達成媽咪心願?)我梗係想聽日就係啦,但想咋嘛。」