2020年08月6日 
2019-01-30


胡杏兒宣布懷第二胎 陀豬B開李氏農場


恭喜恭喜!現年39歲的胡杏兒宣布再做媽咪了!她昨日於社交網開心Share BB的超聲波相,並笑謂:「生到豬BB,真係湊夠開農場!」


胡杏兒於15年下嫁圈外老公李乘德(Phil),前年10月誕下兒子李奕霆 (Brendan),一直表示想追多個BB的她,上周三(23日)現身澳門一公開活動時,明顯身型圓潤兼肚凸凸,孕味甚濃!當時,被問到有否喜事宣布?是否計劃生豬BB?杏兒僅答:「快㗎啦,有好消息會同大家宣布!」

未料不足一周,她昨日終於在社交網上載一張超聲波相,並留言:「豬寶寶終於加入,李氏農場可以開張了!」正式宣布再度懷孕!一眾好友紛紛送上祝福,包括「胡說八道會」成員胡定欣、黃智雯、姚子羚及同樣懷孕中的陳凱琳等,而即將再做老竇的Phil亦於Instagram分享一張Brendan指着媽咪肚皮的照片,又稱囝囝的新玩伴就快來臨!

BB旺媽咪工作

對於追B成功,杏兒回覆傳媒說:「真係好開心!生到豬BB,真係湊夠開農場。上次陀住Brendan又係開緊工,今次陀住BB又係拍緊劇,可能BB旺媽咪工作,想陪住我開工。」但謂2月尾便拍竣新劇,故影響不大,只是今次孕吐感覺較強烈,經常冇胃口,她續說:「拍完呢套劇後就應該會留喺香港,可以多啲時間陪伴Brendan,又可繼續接一啲輕鬆又應付得嚟嘅工作。」