2020年08月14日 
2019-03-08


被黃德斌扑爆頭 周潤發入院縫5針


現年63歲的周潤發日前拍攝電影《驕陽歲月》時,被黃德斌誤「扑」至頭破血流,隨即被送往醫院兼縫足5針,搞到太太和黃德斌都勁擔心!

近日忙於拍攝電影《驕陽歲月》的周潤發(發哥),昨日驚爆早前於片場發生意外,導致頭破血流!事緣,當日他正拍攝一場被黃德斌追債的戲分,其間德斌將一支霧劑的噴髮膠右手拋左手,用以恐嚇對方,怎料樽與蓋突然分體,不慎跌落發哥的左額,頓時血流披面。不過,敬業的發哥未有即時叫停,繼續假戲真做,直至演完整場戲後,他鎮定地用手撳着頭頂,此時大家才驚覺他受傷,令現場氣氛變得緊張!
其時在片廠外準備午飯的發嫂接到通知,馬上趕去查看,發哥則謂傷勢不嚴重,還反過來安慰太太;隨後於導演潘耀明、監製黃斌及動作指導李忠志等力勸下,他才去醫院接受治療,最終縫了5針,再趕返片場開工。被問到有否嚇倒?發嫂昨日回覆傳媒稱:「梗係嚇親啦,因為發哥真係流咗好多血,但當時我同佢都要扮冷靜,唔想大家太擔心,特別係德斌,我都要安慰佢,話畀佢聽發哥冇大礙!當時我都唔敢陪發哥去醫院,係由監製陪佢去,見佢縫針回來冇乜嘢,我先定啲!」事發後全程一言不發的德斌也相當內疚,他說:「我見到佢係咁講唔好意思,發哥仲講笑,話我真係夠膽。」