熱話 時尙 食玩 生活 旅遊 娛樂 親子 專欄 着數

裕美 蔣家旻與Steven有一腿 阿Sa為關智斌跟賤男割蓆

2019-07-29 (週一) 08:00 上午

自從張致恒公告奉子成婚後,偷食事件簿愈揭愈多,昨日更有報道指就連裕美及蔣家旻也曾與張致恒有一手。因醜聞紅館演唱會被迫煞停,被拖累的關智斌前晚回港,表示張致恒已向他交代事件,並原諒了對方;不過蔡卓妍似乎就替關智斌不值,一怒之下取消關注張致恒的Instagram,跟他割蓆!

一腳搭N船的張致恒(Steven),至今仍然潛水,而偷食檔案就繼續發酵,昨日又添多兩條船,傳出分別是失婚裕美及蔣家旻,報道更指裕美月事都要跟Steven過夜,又搞到牀單有血!而蔣家旻則知道自己是小三時,曾一度傷心到有自殺念頭。不過兩女都相繼否認跟Steven有一腿,裕美更嬲爆話:「關我咩事,完全係作出嚟,我識得佢耐啫,唔好係仔都關我事!」蔣家旻則指同Steven完全唔熟,更加冇自殺,只感到自己躺着也中槍。

接受Steven解釋
而關智斌(Kenny)前晚從泰國回港,問及Steven情況,他說:「佢有聯絡我同講Sorry,佢同我交代咗件事,講咗點解中途離開個Trip,佢講完我都理解。」更表示已原諒對方,至於演唱會被迫擱置一事,Kenny直言:「只可以講係無奈囉,可能係上天嘅安排,因為開呢個騷其實都係一個好奇怪嘅安排。」
Kenny就大方原諒Steven,不過好友蔡卓妍(阿Sa)就似乎不屑殘男行為及戥Kenny不值,當初Steven在Ig宣布婚訊時,都有留言恭喜的阿Sa,昨日被發現已取消關注Steven,以行動割蓆!