熱話 時尙 食玩 生活 旅遊 娛樂 親子 專欄 着數

譚詠麟被轟懶高尚 葉德嫻籲各界互相尊重

2019-07-02 (週二) 08:00 上午

港府硬推《逃犯條例》修例令社會再次撕裂,日前,譚詠麟為撐警站台卻聲稱「不想談政治」,惹來何韻詩、黃耀明等狠批,昨日有份參與遊行的葉德嫻則謂:「每個人都有判斷,唔好搞分化。」

「反送中」風波持續近1個月仍未解決,前日又舉行撐警集會,昨日「七一遊行」自然群情洶湧,一眾藝人何韻詩(阿詩)、葉德嫻(Deanie)、袁彌明等亦紛紛上街表態!
對於譚詠麟(阿倫)和鍾鎮濤現身站台支持警察,前者聲稱不想談政治,後者則斥年輕人「九唔搭八」,令不少歌迷失望,有人甚至將珍藏的黑膠碟到維園用腳踩爛,作為樂壇後輩的阿詩就於社交網撰長文,怒轟「同行、前輩」懶高尚,她說:「一知半解、睇咗幾條片就覺得掌握真相嘅人,你哋冇資格批評我哋嘅年輕人。你哋催眠到自己,都說服唔到真正嘅香港人。」

不要掩耳盜鈴
黃耀明亦反駁阿倫:「當你踏進這個公園,踏上這個舞台就已經非常政治,何況你不談政治,政治會找上門,所以不要掩耳盜鈴,自欺欺人。」至於Deanie姐認為不應互相批評及搞分化,她說:「邊一位鍾意做乜,係佢哋嘅事,我依家就行咗出嚟,每個人都有自由、自己認為啱嘅嘢,我唔批評佢哋。」並讚這次年輕人非常有心,香港有得救。