2021年01月22日 

買芝麻粉後致電客服查詢到期日 女顧客大鬧:「一堆數字點睇?」

2021-01-12 (週二)

世間上最難做的工作莫過於顧客服務。早十幾年電視廣告都有賣:「今時今日,咁嘅服務態度係唔夠㗎!」自此,投身於服務性行業的打工仔就要抱著「客人永遠是對的」的使命工作,壓力甚大。對於顧客來說,由於現時投訴途徑廣泛,所以一但遇到任何不滿便記低職員編號向其公司投訴,造成雙方矛盾愈來愈嚴重。

早前有在食品代理公司擔任客戶服務員的網民投稿至Facebook專頁「西店Hi客之道 Hispitality Secret」,指收到一位小姐(下稱A)投訴有關芝麻粉優惠裝到期日問題,與對方展開一場「激烈對話」!

事緣A小姐在2020年年底於某大百貨公司購買芝麻粉孖裝,詢問事主在那個位置可以查看到期日,而事主亦如常表示在產品底部可以看得到。豈料A小姐竟回覆:「你要我自己睇,即係要我行去拎出黎睇,你唔知到期日咩?」

經事主一輪查證後,得悉該批貨品到期日是今年年尾。以為已經解答到顧客問題之際,A小姐窮追猛打:「賣出嚟嘅嘢,應該要有2-3年年期,而家呢款產品邊到仲有得賣?」事主表示該產品為增量版,只得一間專門店有售。A小姐再次反擊,指「要山長水遠去買」、「疫情生意唔係咁做」、「全香港唔係得你一個牌子可以買」,並問到「你第一日喺到返工?」。

隨後A小姐表示自己也是做食品公司,要求事主跟老闆講要擴大貨架並增添貨種和數量等,教導「正確做生意」之方法。同時直指事主令她不高興,兼投訴產品到期日是數字,非常難看,認為可以告事主公司違反商品說明條例。

身為客服的網民仍然沉住氣,向A小姐表示會向公司反映意見。以為事件告一段落?未。接著A小姐聲稱自己是長期客戶,可以將事件放上網宣揚。事主只能不斷重覆回應:「明白,多謝你意見。」

收線後,事主突然想起早前有報稱同樣做食品生意的女士投訴公司餅乾加價又比以往細塊,翻查記錄後發現是同一人。

最後,事主表示自己應該令到A小姐非常生氣,故此A小姐再次致電並要求高級職員協助,投訴遭到事主打擾,又重覆芝麻粉到期日和餅乾「縮水」等問題。言談間,A小姐不斷責罵事主同事「廢」,並指自己已向百貨公司投訴多次,兼且會向不同品牌投訴。

有看過投稿後的網民笑言「睇日期唔係睇數字咁睇咩?」,有人推測A小姐應該為著數才不斷投訴各品牌,看看那一間會給予優惠,亦有人認為做客服真慘,非常同情事主!