熱話 時尙 食玩 生活 旅遊 娛樂 親子 專欄 着數

進擊的才女 AGA

2019-01-29 (週二) 08:00 上午

AGA(江海迦)近年一直在內地展開個人巡迴演唱會,相隔兩年再次在香港開音樂會,她直言很想念香港,難得再開騷,決定整個歌單都是屬於自己的歌,「當中有啲係寫畀人哋嘅作品,一啲改編自自己喜歡嘅歌手。」實行做一個自我的騷!

撰文:卓妙燕
採訪:黎寶倫
攝影:ChaseK
髮型:Gary Sun@Hair Corner
化妝:Vanessa Wong
服裝:Chloe from Lane Crawford

AGA將於2月10日於香港理工大學賽馬會綜藝館舉行《MOOV LIVE AGA音樂會》。AGA表示當得知臨時加開一場香港站感到特別開心,她說:「做緊內地巡迴時,公司話畀我聽可以加多一站喺香港,我係好開心!原來有好多人聽自己啲音樂,而我係唔知,仲記得之前第一場嘅時候係我生日,咁就過咗一個好完美嘅生日!」
挑戰自己
AGA稱在香港和內地開演唱會最大的分別是氣氛很不同,「香港嘅聽眾會好專心聽你畀啲咩Message、成個騷嘅構思,會睇得好仔細。但喺內地做騷佢哋會一入嚟就好似個Event咁,佢哋會覺得嚟開Party、嚟Support你,咁就好熱情嘅!」至於今次演唱會相信最大突破的地方就是跳舞,AGA笑言:「唔係自己拿手嘅地方,今次都要落啲苦功,但又好想好想帶一啲新鮮嘅嘢喺每一次嘅騷度。平時比較少跳舞,自己有時間都係玩吓樂器、做運動!」
增加元素
內地巡迴演唱會AGA沒有邀請嘉賓,今次香港站她希望可以邀請嘉賓朋友和她一起合唱,「每一次嘅巡迴演唱會都會堅持擺啲唔同元素落去,唔同嘅表達方式,我相信香港站都有唔同嘅地方。難得喺香港又會想邀請啲朋友一齊玩!」AGA指陳奕迅和張學友都是自己非常欣賞的前輩,如果將來有機會合作都好開心。「我喺張學友個騷入面學習咗好多。因為佢擺落去嘅心思、成個Concept我覺得係好好睇,無論唱、Perform定舞蹈,所有嘢加埋係一個好好睇嘅騷!而Eason都合作過啦,喺內地有唱佢嘅歌,因為佢實在有太多好嘅作品,自己好喜歡佢一首歌叫《綿綿》,呢首歌就成個內地Tour都有唱。」
拒絕參賽
一直以來AGA都是唱廣東歌為主,從未出過國語歌的她表示希望將來能有這個機會,「想出國語歌係因為普通話創作嘅領域可以更大,自己亦都有國語歌嘅作品係未面世。」近年來很多歌手回到內地參加比賽而一炮而紅,但她卻沒有這個打算,「國內比賽又未必,之前都有好多節目邀請我,但依家啱啱開始做廣東歌,我想喺香港呢個市場度繼續做多啲我要表達嘅嘢先,我想再做多啲歌先。」
各大頒獎禮都已經圓滿結束,AGA亦獲得不俗成績,不過她一直對獎項都抱住隨緣心態,「其實有冇都會努力繼續做音樂,我一路以來嘅理念都係好Focus做好我嘅音樂,甚至我辭咗份空姐工去做音樂,都有好多Story、理念、信息想帶出嚟,呢段過程有呢個提名其實好開心!」