2020年12月1日 

郭富城遲攞 細女出世紙被罰錢

2019-09-27 (週五)

郭富城(城城)昨日出席保險活動,談到5個月大的細女「二寶」,他即甜笑自爆:「佢依家識翻身,眼仔睩睩,佢係肥妹,不過係好事,二寶嘅手腳好似米芝蓮!(忍唔住想咬?)唔捨得!係好得意、好玩,生活上有好多嘢令自己開心!」對於過了規定的42日限期才為二寶辦出世紙,城城直認罰了數百元,他解釋:「唔係唔記得,係想爸爸、媽媽一齊去拎。」

新戲入圍東京電影節
另外,城城與楊千嬅主演的《麥路人》,以及陳靜(DaDa)主演的《Baby復仇記》,同時入圍《第32屆東京國際電影節》的「亞洲未來」單元,城城說:「好開心、好安慰,攞唔攞到獎都係其次,除咗《踏血尋梅》之後,呢部戲發揮得好滿足。」而DaDa稱為孕婦角色作出好大犧牲,既剪短頭髮又增肥近20磅,故能夠入圍非常開心。