熱話 時尙 食玩 生活 旅遊 娛樂 親子 專欄 着數

都市專訪 挑戰自我 陳松伶

2019-03-18 (週一) 08:00 上午

近年一直專注舞台劇《媽媽咪呀》演出的陳松伶,自17年回巢接拍無綫劇集《全職沒女》後已有一段日子沒有在大熒幕上看到她的蹤影,相隔兩年終於再次回到無綫拍劇,今次更飾演首位華人爵士夫人,更不時化身女福爾摩斯破案,身為推理迷的她大呼過足戲癮!

撰文:卓妙燕
攝影:Sing
髮型:Simon@Hairrevolution
服飾/配飾:Marina Rinaldi
場地:漁獲浜燒

陳松伶(松松)今次在新劇化身為神探調查「開膛手傑克」謀殺案,她坦言今次回來無綫拍劇,除了有很好的監製外,這次的角色更是她未曾試過,「呢個係我未嘗試過嘅角色同未試過嘅戲種,其實我覺得TVB監製搵我番嚟每一次都會畀我有啲新驚喜、新嘗試。所以對我嚟講好有吸引力,我先會好願意去接,因為我依家工作個方針同選擇都係好想做啲自己未做過嘅嘢。」

初試偵探一角
劇中松松飾演華人爵士夫人,角色有點乞人憎、高高在上、不可一世,「呢個角色好鍾意使人做嘢,我未做過呢類,監製就係想搵個演員可以做到好乞人憎,但又唔會令人討厭,我都好認真去做一個好乞人憎嘅角色。」在現實中松松指自己是一個很友善的人,但今次卻要不斷鬧人,「好多對白其實係自己未講過嘅,要兜口兜面成日鬧人或者講啲好Mean嘅說話!」松松更說一直很喜歡穿制服的角色,如果有機會希望下次能飾演Madam 一角!
戲裏戲外原來松松都是福爾摩斯迷,平日更愛追福爾摩斯系列的劇集,為了準備這套劇集,她亦看了不少香港開埠初期歷史,「最主要拍呢套劇我係睇咗香港開埠時期嘅節目,因為我哋個背景就係呢個,我要惡補1921年嘅香港歷史背景。」而松松在拍攝過程中就像角色一樣多災多難,不但被紅火蟻咬,後來在拍攝一場公審戲因被掟死魚、垃圾導致眼睛發炎,「起身嘅時候隻眼嘅白眼球係郁得㗎,但都要焗住開工先,冇諗過會咁嚴重,但愈拍就愈紅,紅到鏡頭都睇得出,睇完醫生佢就話我係角膜炎。」為了不拖延進度仍堅持開工,松松認真敬業!

演得又唱得
20年前松松與阿Ben(黃智賢)在兒童節目《閃電傳真機》相識,對於首次合作拍劇,松松大呼很有親切感,「你會覺得兒童節目組出身嘅演員係會特別熱情,佢哋演技係會特別真實,本身做開兒童節目嘅人會比較熱誠啲!」今次與多位新生代演員合作,松松坦言從他們身上學到很多,「雖然我哋係資深演員,但反而喺佢哋身上,會更加學到新嘅感情,唔會仲係停留喺嗰個年代囉,新血其實有好嘅現象,同埋佢哋好認真對待呢份工。我同陳瀅、江嘉敏嘅對手戲特別多,佢哋唔係好懶散嘅演員,佢哋真係好努力同你對對白!」
除了參與電視劇的演出,松松也出演為期3年的舞台劇《媽媽咪呀》,對於她來說舞台劇是她的終極夢想,「我一直都好想演,所以呢個角色係自己極力爭取番嚟!我都好願意接多啲音樂劇、舞台劇,但《媽媽咪呀》成3年,希望將來可以嘗試唔同嘅演出!」至於松松與丈夫張鐸結婚8年,兩人曾計劃領養小孩,但松松稱目前工作繁忙,希望做好手頭上的工作、照顧好父母後再下決定!