2020年08月8日 
2019-01-29


都市點評 觀塘高質西餐 登堂Downtown


早前「#10 Year Challenge」在網絡上掀起熱潮,唔少網民都紛紛在社交平台貼上自己10年前後的相片比較,所謂十年人事幾番新,無論人或事物都有着各種轉變,如十年前的觀塘,本是工廈林立,如今卻逐漸蛻變成核心商業區、更有「小中環」的稱號,近年更多了不少新派、創意食肆進駐。撰文:余燕華 攝影:倫

觀塘工廠區最近新開了不少食店,如Café、燒烤店、日式料理等,更罕有地開了一間佔地過萬呎、空間感十足的西餐廳「登堂」,負責人說:「觀塘區依家有第二個名叫『小中環』,好多甲級寫字樓進駐,而中上級餐廳相對較少,所以老闆睇準觀塘區嘅潛力。」餐廳環境寬敞,設有吧枱、圓桌等不同座位,餐廳主要劃分4個區域,近門口位置可見一張長方形的高枱,負責人說:「高枱係一個閱讀區,客人可以隨便借電,玩吓電腦、飲吓咖啡。近吧台位置係Coffee Lounge,客人可以喺度品嘗精品咖啡或者Cocktail,而中場位置就係Dining Area。」另外店舖更設有5間獨立房間,並提供投影及音響器材,適合公司作會議室、講座和派對。

多國佳餚
餐廳空間感大,設計傾向簡約時尚風格,帶點Chic的感覺,整體環境舒適,無論是獨個兒來或與朋友聚餐都非常適合。翻開菜單,店內主打多國菜,無論是乳豬、鮑魚,抑或是牛扒、意粉,店內統統都有提供,而餐廳堅持不使用味精、雞粉等調味料,只採用高湯及新鮮雞湯等天然調味,非常健康。先試招牌菜威靈頓牛柳,切開見粉紅色的牛柳,外層酥皮入口酥脆,牛肉入口軟腍多汁,肉味濃郁。再試北海道鮮帶子鹹蛋黃意大利飯,意大利飯香味四溢,帶子煎得金黃,不用特別調味,已嘗到帶子的鮮味,而混入了鹹蛋黃的意大利飯則十分惹味。而飲品方面,多款花茶及咖啡亦可配搭奶蓋享用,是次試飲接骨木花竹炭奶蓋,奶泡綿密、入口帶淡淡的芝士味,原來店家的奶蓋是用茅屋芝士發打而成,與坊間使用奶精及芝士粉製造,相對低脂,再嘗一口接骨木花茶,入口散發出芬芳的茶香。

登堂Downtown
地址:觀塘興業街4號The Wave2樓
營業時間:星期日至四12:00-2400,星期五及六12:00-01:30
電話:2110 4103