熱話 時尙 食玩 生活 旅遊 娛樂 親子 專欄 着數

阿嬌中流感 關智斌頂上代執垃圾

2019-01-28 (週一) 08:00 上午

關智斌(Kenny)、洪卓立(Ken)與許靖韻昨日出席《清潔垃圾灣大行動》在石澳鶴咀執垃圾。原本鍾欣潼(阿嬌)都會參與,不過因日前她患上流感,最後由Kenny頂上,不過他指病榻中的阿嬌仍然相當熱心,並謂:「噚晚(即前晚)仲話瞓醒一覺,嚟到就會嚟,我頭先Message佢,問佢有冇嘢同記者交代,佢把聲好慘!」在錄音中,阿嬌留言:「退咗燒,但仲病緊,休養緊,要自我隔離,多謝大家關心。」對於捱義氣頂阿嬌,Kenny唔多同意,他表示自己覺得清潔行動好有意義,有機會做義工絕對義不容辭,又可以為大自然出一分力。
至於同場的Ken則透露農曆年將會舉家回內地拜祭外婆,提到去年與拍拖11年的湯怡分手,今年將會過一個寂寞情人節,Ken謂:「唔係呀,都幾Happy,呢排成日做運動識新朋友,都幾開心!」還指新朋友有男有女,根本不愁寂寞。