熱話 時尙 食玩 生活 旅遊 娛樂 親子 專欄 着數

香港冇人肯填詞 造就吳啟明 出韓劇插曲

2019-04-04 (週四) 08:00 上午

「隱世廚神」吳啟明近期搞作多多,繼去年12月於中環開設餐廳「慢煮兩餐」後,上月底其創作的新歌《Falling Down》,亦於李棟旭、劉寅娜主演的人氣韓劇《觸及真心》的大結局中壓軸登場,而該官方MV發布僅兩天,截至昨晚已累積近7萬點擊率,大獲好評!對於今次為港爭光,吳啟明回覆本報稱:「真係開心到喊呀!今次算係願望成真。」
回想當初作了兩首歌卻冇人肯填詞,他無奈道:「嗰時吳雨幫我搵林夕填詞,不過林夕唔得閒,之後搵林慕德、潘源良,我任佢哋開價,但所有人都唔得閒。」幸後來深得某韓國高層賞識,兩年後更獲邀為《觸》劇作OST,吐氣揚眉!問可恨被一班香港填詞人推卻?他笑謂:「我冇嬲,仲開心到不得了,如果唔係,我依家都唔會喺韓國出歌啦!」今次仲帶挈他獲韓國女歌手Wax(趙慧莉)邀作新歌,至於未來想跟哪位歌手合作?吳啟明說:「周杰倫,但佢唱親都係自己作嘅歌,所以一定唔會同我合作。」