熱話 時尙 食玩 生活 旅遊 娛樂 親子 專欄 着數

黃浩然冇嬲黃心穎 湯洛雯認有壓力

2019-05-28 (週二) 08:00 上午

自從爆出「安心偷食」事件後,黃心穎與許志安都形象插水,女方拍下的無綫劇播映無期或要重拍,其中重頭劇《法證先鋒IV》,黃心穎的角色由湯洛雯(靚湯)頂替,而重拍亦令無綫損失千萬。昨日黃浩然、靚湯、陳煒與譚俊彥等,為了劇集可重見天日,而進行拜神儀式。
與黃心穎最多對手戲的黃浩然,曾被指當知道女方因偷食累街坊一事時,嬲到爆粗,被問到心情是否已平伏?黃浩然嘆了一聲後說:「今次係真正回應,之前冇刻意回應,因為當事人已經受到好大影響,自己唔方便講太多,當知道件事後最擔心唔係我個人,係成個《法證》團隊,擔心個劇出唔到街。」被追問有否爆粗,他笑謂:「點會爆粗,同邊個爆?同廁所爆呀?」又稱無嬲過任何人,更慶幸劇集能重拍,有望播出街已令大家的努力不會白費。
至於臨危受命的靚湯,被勒令開工前要減10磅,不過昨日未見她減肥成功,靚湯說:「唔想被磅數限制住,我有節食同做運動。」直言是《法證》系列粉絲,有份拍既興奮又有壓力,並謂:「我未試過密集式拍劇,會當自己係新人,將壓力變成動力。」