2020年08月10日 
2019-09-10


黃浩Kenny Wong孖梁齊昕蒲蘭桂坊


文章節錄:蘋果日報(https://hk.entertainment.appledaily.com/entertainment/daily/article/20150607/19174995)

黃浩廣交結友,間唔中都會同朋友夜蒲,呢晚就同好友梁齊昕與一班朋友到蘭桂坊狂歡,眾人都玩得好盡興,梁齊昕更蒲到天光,還被市民捕獲集郵㖭!

【蘭桂坊】時任特首千金梁齊昕自從回歸香港之後,經常出席公開活動,精神睇嚟唔錯又幾精靈咁。凌晨兩點幾,齊昕被發現着住花花裙同一名女性友人現身中環,原來佢哋約咗女星徐淑敏老公黃浩同另外兩名中年男士去食日本串燒,一直食到接近3點,一行5人喺黃浩嘅兩名保鑣陪同下,轉場去咗就近蘭桂坊夜場Volar繼續Clubbing。

轉場疑入男廁劏
3位男士飲到凌晨5點幾,已經不勝酒力要先後離開,黃浩行起嚟仲左搖右擺,要由身邊友人扶住落斜路。至於齊昕同女友就精力充沛,喺Volar玩到朝早6點至肯走,佢哋離開時已經醉到腳步浮浮,兩人拖到實一實,齊昕同朋友去咗門口截的士,Volar嘅保安喺門口見到有記者喺度影相,但齊昕同朋友又唔係好知想點咁搞足一分鐘都冇動靜,最後保安幫佢哋截咗部的士送佢哋走。
正當以為齊昕會坐車返屋企,點知有讀者Ricky報料,話朝早7點45分左右喺中環威靈頓街間翠華見到齊昕同個女仔一齊,睇番齊昕件衫正正就係Clubbing件戰衣,相信佢哋坐的士兜咗個圈嚟食早餐。Ricky話當時齊昕望落好醉,後尾兩個人仲入咗男廁,女友人負責頂住度門,齊昕就係度大大聲唔知講乜,懷疑佢哋喺入面嘔。
採訪、攝影:徐錦池、羅德光、吳耀輝