熱話 時尙 食玩 生活 旅遊 娛樂 親子 專欄 着數

黃翠如 唔畀「小三」入宮

2019-03-05 (週二) 08:00 上午

黃翠如與丁子朗昨日出席在煤氣烹飪中心舉行的《好情心烹飪証書課程》,已為人妻的翠如自認廚藝屬BB班,又大讚老公蕭正楠廚藝了得,經常煲愛心靚湯!翠如爆老公還跟「小三」曹永廉(阿廉)孖公仔去街市買餸。蕭正楠於本月23日生日,問到會點慶祝?翠如表示想煮愛心餐,忙於拍新劇的她謂:「希望嗰日放到假,依家擔心連禮物都趕唔切買,希望阿廉肯幫我買埋餸放喺屋企。(叫佢幫手煮?)唔得,話晒都係『小三』,唔可以成日擺喺屋企。」當翠如唔畀阿廉這位『小三』入宮時,蕭正楠就撇甩老婆,與阿廉相約唱K,還於社交網貼片,蕭正楠留言:「廉哥話我太太拍緊戲,靜靜雞帶我去卡拉OK見識吓……佢嘅歌喉。」